Epistola ad Cardinales S.C.P.F., mense Iulio 1672

Emi DD. N. Cardinales de Propaganda Fide.

1. Acceptis literis apostolicis in Hispaniam me contuli, ubi septem religiosos theologos ordinis Mi[99]norum Discalceatorum, virtutibus, cȩterisque requisitis ornatos mihi sociavi, cum quibus mare transfretans ad Indiam Occidentalem deveni exindeque anno transacto ad insulas Philippinas pervenimus, ibi spectantes opportunam occasionem iter nostrum prosequendi, per annum demoravimus.

2. Tandem in quadam symba cum quatuor tantum meis sociis, ceteris ibi relictis ad aliam ocasionem, ad hanc civitatem Macao Lusitaniȩnatione populatam transivi; ubi benevolentia ac familiaritate a huius civitatis gubernatoribus et magnatibus fuimus recepti, prȩterquam a patribus societatis, cuius superior visitator nobis dixit quod per hanc ianuam non erat nobis locus in sinicum regnum ingrediendi et sic aliam quȩreremus ianuam. Cui respondi: «Quod Deus, qui hucusque nos conduxit a S. Congregatione de Propaganda Fide missos, ipse nobis ianuam pandet.» Qui pater videns nostram constantiam animos huius civitatis gubernatorum variis terroribus movit ad nos impediendum viam in regnum sinicum ingredi. Quibus vanis timoribus huius civitatis dux generalis motus iuridico decreto nobis per hanc viam sinici regni ingressum prohibuit, et adhuc nos cogere tentavit ad insulas Philippinas in quadam navicula iam ad navigandum disposita redire. Cui respondi quod nos eramus indispositi pro nunc ad iterum maris calamitates pati et indigebamus hic in nostri ordinis conventu requiescere. Hac mea responsione dux generalis tacuit et nullam aliam nobis molestiam intulit. Pater vero societatis supra dictus corda Sinarum, qui nos possunt ad sinicum regnum conduc[ere], terroribus avertit; nihilominus Deo auxiliante a quibusdam huius civitatis [99] magnatibus adiuti regnum sinicum confidimus ingredi, ad Dominum continuo clamantes ne ad longum permittat talia scandalosa impedimenta suos corde operarios pati.

3. In insulis Philippinis certam notitiam habui de morte Fr. Antonii a S. Maria in sinica civitate Canton, ubi exul cum aliis missionariis erat, cuius prȩfecturam Sacra Congregatio de Propaganda Fide potest tribui cuidam ex meis sociis ex quibus unus nomine Fr. Augustinus de S. Pascual habet primum locum, c[uius] in alia epistola oblitus sum. Est theologus consumatus qui cathedram optinuit et est prudentia et virtutibus ornatus; post hunc Fr. Ioannes Marti lector theologicus secundum locum occupat, religiosus similiter exemplaris. Ego ad hoc officium non sum aptus et iam ad senectutem deveni ac aliquibus infirmitatibus laboro, et sic nullatenus possum hunc officium occupare.

4. Litterȩ a S. Congregatio de Propaganda Fide ad nos mittendȩ per viam occidentalem et per tribunalis inquisitionis dominos inquisitores de Hispania ad Novam Hispaniam, et exinde ad civitatem Manilȩ in insulis Philippinis ad nos deveniant; nam per aliam viam et per alias manus raro ad nos pervenient. Quȩ vero mittendȩ sunt per viam orientalem deveniant ad manus illustrium DD. Episcoporum Sedis Apostolicȩ vicariorum, qui sunt in regno Siam, quia ipsi personam fide dignam ad nos remittent; interea EE. DD. Cardinales dignentur nobis a Deo auxilium impetrare ut tot opposita suferentes invicti possimus animarum salute usque in finem perseverare. Amen.

5. Primam epistolam scripsi in civitate Manilȩ et tradidi eam commissario S. inquisitionis ut per manus DD. inquisitorum per viam occidentalem ad vestras Eminentias devenire possit; hanc vero duplicatam ad illustrissimos Episcopos seu vicarios apostolicos qui sunt in regno Siam mitto ut ipsi una cum suis per viam orientalem securam ad VV. Eminentias remittant. In hoc nostrȩ religionis seraphicȩ conventu civitatis Macao, iulii anni 1672.

Vestrorum EE. DD. N. Cardinalium subditus,
Fr. Bonaventura Ivañez,
Comissarius ac viceprefȩctus apostolicus sinicȩ missionis