«Congregatio Provincialis Japonica in Collegio Machaoensi
inchoata die nona Septembris Anni Domini 1638, Praeside
P.Gaspare Luis, Viceprovinciali, praesentibus Patribus
qui subsequuntur
P. Petro Morejón
P. Antonio Rubino
P. Vincentio Rubino
P. Petro Marchio
P. Francisco Buzomi
P. Francisco Taveira
P. Alexandro Rhodes
P. Antonio Cardim
P. Raymundo de Gouvea
P. Bartholomaeo Siqueira
P. Gaspare do Amaral.
Quatuor ex universa Provincia desiderati Professi, quos legitime censuit impeditos Congregatio, quia apud Tunquinenses et Coccicinenses gravissimis ad animarum salutem negotiis ac laboribus adeo impliciti distentique fuere, ut nec paratam, qua sua ad nos suffragia transmitterent, opportunitatem, nedum expeditum, ut viae se committerent, aditum invenire potuerint. Hi fuere: Pater Hyeronimus Maiórica, Pater Joannes Baptista Bonellus, Pater Antonius de Fontes, Pater Joannes Maria Leria».
[Ex Actione Prima, 9. Septembris 1638] «Primo ad plura igitur suffragia Pater Petrus Marchius in secretarium delectus est, allectusque in socium，particeps consiliorum, Pater Gaspar do Amaral. Deputati ad plura itidem suffragia Pater Antonius Rubinus primo loco, secundo Pater Petrus Morejón. Actum denique de Procuratoris electione, statutumque, ut electio fieret die undecima ejusdem mensis».
[Ex Actione 2asecunda, 11. Septembris 1638] «Condicta die... ad plura medietate suffragia, scrutinio sexto, P. Antonius Cardim Provinciae Japoniae Procurator est dictus. Secundus a primo ad plura medietate suffragia, sed scrutinio primo, P. Raymundus de Gouvea substitutus, subrogatusve. Ad plura demum medietate suffragia, scrutinio 3°, tertius a primo, Pater Gaspar do Amaral ».
[373] [Ex Actione nona] «Congregationi finis imponitur die 22. Septembris, vespertinis horis, ab inch[oata] 13., in Collegio Amacaensi, Anno Domini 1638.
Sigillum Pr Petrus Màrquez Secretarius»