Digitized with ABBYY FineReader 12.1.11, checked and codified in TEI for the ELA-Eurasian Latin Archive
De rebus particularibus provinciae Portugalliae quae a praeposito generali in privata congregatione fuerunt constituta
1. Constituit [praepositus generalis] ut provincialis Portugalliae curam haberet rerum indicarum et superintendentiam, [130] non quasi ex officio ordinario sed commissario, ad id praecipue ut res transmarinas, tam Indiae et Aethiopiae quam Brasiliae, et si quae aliae fuerint regi Portugaliae subditae, promoveat cum principibus et cum commissario provinciarum Hispaniae et cum ipso praeposito generali [ ].
2. Primo ex parte Praepositi Generalis et totius Congregationis supplicetur serenissimae Reginae Portugaliae ut suo favore impensius faveat novam conversionem Indiae commendando serio gubernatoribus ut novarum plantationum peculiarem habeant curam [ ].
3. Pater Melchior Nunes, si non emissit professionem votorum, emittat eam.
4. Quod attinet ad Patrem Cosmum de Torres committitur eidem Patri Melchiori Nunes ut statuat quo in gradu sit ille constituendus, an scilicet inter professos 4 vel trium votorum an inter coadiutores spirituales, visis Constitutionibus.
5. Pater Nicolaus Lancillotus professionem emittat trium votorum [ ].
6. Pater Balthasar Dies admittatur in coadiutorem spiritualem formatum.
7. Pater Balthasar Gago emittat professionem 4 vel trium votorum, vel sit coadiutor spiritualis, prout videbitur Patri Melchiori Nunes [ ].
8. De Gasparo Villela idem.